Ilang araw na akong tulala at nag-iisip... Pakiramdam ko may mali. Pakiramdam ko may nag-iba. Hindi ko maintindihan kung ako lang ang nag-iisip nito. Ako lang ba ay napapraning? Nasimulan ko nanaman magsungit. Nang-aaway nanaman ako. Sa mga pagkakataong naiisip ko siya at napapatingin ako sa cellphone ko na walang message galing sa kanya, naiinis ako. Nagsusungit ako. Hindi ko alam kung dahil ba, wala kasi akong text galing sa kanya o inis ko na ito sa sarili ko dahil ang simple-simpleng gawin, hindi ko siya matext. MInsan, naiisip ko, magchat na lang kaya ako at maghanap ng katext para may pampalipas oras, pero ayoko namang gawin. Ewan ko ba, wala naman akong pinanghahawakan pero bakit ba nagpapaka-faithful ako?
Noong isang araw, sabi ko sa kaibigan ko, na parang ayoko na. Parang gusto ko ng itigil itong kabaliwan na ito. Ayan nanaman ako, magaling magsabi ng parang ayoko na, pero 'pag nariyan na hindi ko naman kaya. Syempre tinanong nila ako kung bakit parang ayoko na. May mga nasabi akong ilang mga bagay, pero ang puno ng dahilan ay, nabobore ako.
Boring... Ang bagal ng progress at ni hindi ko nga alam kung may dapat pa bang i-asenso ito. Ang bagal... Hindi ko alam kung ako ang dapat sisihin kung bakit mabagal, dahil nga ba mabagal ako? E kaya lang naman ako bumabagal ay dahil hindi ko alam kung kaibigan lang ba talaga tingin niya sa akin eh! Minsan kapag maganda na ang takbo ng usapan, nadadala ko na sa gusto kong pagdalhan ng usapan, kakambyo naman siya. Sasabihin niya di siya patola. Para bang nanddon ka na sa puntong kinikilig ka na, pero kakambyo siya at sasakit lang ang puson mo sa sobrang kabitinan. Hehe! Pag sinasabi ko naman sa mga kaibigan ko na ganito, ganiyan, sasabihin naman nila, "ganyan lang talaga siya sa mga kaibigan." Hindi ko na alam kung saan ko ilulugar ang sarili ko. Nakakainis na.
Minsan, naiisip ko, kung sabihin ko kaya ano kayang magiging reaksiyon niya???
a.) matutulala?
b.) sasampalin ako?
c.) iiwasan niya ako??
d.) pagtatawanan niya ako???
e.) sasabihin niya, "matagal ko ng alam, babagal bagal ka!"
f.) tatanungin niya ako, "sinong nanay mo???!!!"
g.) all of the above!
Natapos na ang sem, naging malapit na kami, pero wala pa ring nangyayari. Paano ko sasabihin kung wala naman akong clue. Iri-risk ko ba ang friendship namin dahil sa kapusukan? Kung dumating man yung point na nasabi ko na sa kanya at iniwasan niya ako, siguro mas makabubuti pang 'wag na lang kami magkita habang buhay pagkatapos nun.
Minsan naiisip ko, mabuti pa yung mga nakakachat ko. Pag log-off ko sa internet, text na kami fatale at walang tigil. Matapos ang ilang araw, magkikita na, pag click, wala pang isang linggo kayo na. Ganun kadali. Bakit ba ako nagttiyaga sa kanya na ilang buwan na ang lumipas, hindi pa rin ako sigurado kung patola o hindi? Kung gusto ba ako o hindi? Minsan, gusto ko na siyang paalalahanan na, "TOMBOY AKO, ANO BA????!!!"
Alam ko namang alam na niyang ako eh! AKo yung may pakana ng mga sulat na iyon. Hindi naman siya tanga por diyos por santo! Pero bakit nung isang araw ng sumagot ako ng medyo maayos dun sa text niyang medyo pormal ay kumambyo nanaman siya. Parang hindi niya alam na siya yung pinoproblema ko. Letse! Bakit kaya, hindi na lang niya sabihin sa akin na alam na niya? Bakit kaya hindi na lang niya sabihin sa akin na "alam ko na, sorry, pero ayoko sa iyo." o kaya, "alam ko ng ikaw, sorry pero hindi talaga ako patola." Para masimulan ko ng dumistansya. Para makalipat na ako ng school kung saka-sakali at tuluyan ko na siyang alisin sa buhay ko!
Sige, ipagpatuloy mo ang di na pagtetext sa akin. Para isipin ko na ayaw mo talaga sa akin, para kakalimutan na lang talaga kita. Next sem, hindi na ako mag-eenrol sa section kung san ka nandoon para hindi na tayo magkikita o kaya sasama na lang ako doon sa mga lilipat ng school. Pabor sa akin yun, hindi ako mapapahiya kung saka-sakali.
Ha! Ang lakas ng loob kong isulat itong mga ito. ANg lakas ng loob kong sabihin na aalisin ko na siya sa buhay ko, eh parang kaya ko???!!! EH isang text pa nga lang niya, tumitiklop na ako eh. Pakshet!
Posted at 09:23 pm by 4sumrisons
